Скопје, 30.03.2000 година

Соопштение на НБРМ

ОСНОВАНА ШТЕДИЛНИЦАТА ЗЕГИН ДОО СКОПЈЕ

Согласно член 17-б од Законот за банки и штедилници (Службен весник на Република Македонија бр. 31/93, 78/93, 17/96 и 37/98), Народна банка на Република Македонија ја известува јавноста за следното:

Со Решение на гувернерот на Народна банка на Република Македонија бр. 02-14/159-2000 од 23.03.2000 година, издадена е дозвола за основање на Штедилница ЗЕГИН ДОО Скопје, чии основачи се трговското друштво за внатрешен и надворешен промет ЗЕГИН Благој ДООЕЛ Скопје и Викторија Механџиска. Седиштето на Штедилницата ќе се наоѓа на ул. Народен фронт 5-3/1 во Скопје.

Штедилницата ќе може да ги врши следните работи:

-да прибира денарски штедни влогови од физички лица најмногу до износ кој е за два пати поголем од нејзиниот основачки капитал;

-да одобрува кредити на физички лица и поединци кои вршат самостојна дејност без својство на правно лице;

-да зема кредити од банки и штедилници;

-економско-финансиски консалтинг;

-да одобрува кредити на правни лица преку банка;

-директно да кредитира банки и штедилници;

-директно да кредитира правни лица, но најмногу во висина до 30% од гарантниот капитал на Штедилницата.

Совет на Народна банка на Република Македонија