Скопје, 24.12.2004 година

Соопштение на НБРМ

 Денес, Комисијата за хартии од вредност и Народна банка на Република Македонија потпишаа Меморандум за соработка. Со овој Меморандум се уредуваат содржината, условите и начинот на соработка помеѓу овие две институции, како супервизорски органи во сферата на пазарот на капитал и банкарскиот систем.

Меморандумите за соработка помеѓу супервизорските органи во земјата надлежни за основањето и работењето на одделни сегменти од финансискиот систем, претставува меѓународна пракса со која се овозможува зајакнување на извршувањето на супервизорските функции и од тој аспект јакнење на финансиската стабилност. Со склучувањето на овој Меморандум помеѓу Комисијата за хартии од вредност и Народна банка на Република Македонија се овозможува интензивирање на меѓусебната соработка во доменот на размена на податоци и информации кои се од значење за ефикасно спроведување на супервизорската функција. 

Народна банка на Република Македонија и во натамошниот период ќе продолжи со започнатата активност на склучување на Меморандуми за соработка и со сите останати супервизорски органи во Република Македонија.

Кабинет на гувернерот