Скопје, 18.10.2007 година
Соопштение на НБРМ
На 17.10.2007 година, гувернерот на Народната банка на Република Македонија донесе Решение со кое е издадена претходна согласност на "Алфа Финансиски холдинг" (Alfa Finance Holding AD) од Бугарија за стекнување 100% од вкупниот број акции во "Интернационална Приватна банка" АД Скопје. Трансакцијата за стекнување на акциите треба да се изврши во рок од 180 дена од денот на добивањето на согласноста од гувернерот.
Во рамки на Холдингот има финансиски дел кој се состои од друштво за управување со фондови, два инвестициони фонда, друштво за купопродажба на побарувања, друштво за купување и управување на недвижен имот и друштво кое претставува примарен дилер со државни хартии од вредност во Бугарија. За овие друштва е издадена лиценца од страна на Комисијата за финансиски надзор од Бугарија. Работењето на Холдингот е концентрирано во најголем дел во Бугарија, но и во регионот на Србија, Турција, Украина и Романија.
Согласно ревидираните консолидирани финансиски извештаи, вкупниот потенцијал на Холдингот на крајот на 2006 година, изнесува 118,7 милиони евра, а капиталната позиција изнесува 40 милиони евра.
Кабинет на гувернерот
{{Title}}
{{Intro}}
{{{Content}}}
{{#hasElements Images}}
{{#each Images}}
{{#showInline ShowInGallery IsThumbNail}}
{{{dataImg this params="?width=886"}}}
{{/showInline}}
{{/each}}
{{#each Images}}
{{#showInline ShowInGallery IsThumbNail}}
{{{dataImg this params="?width=200&height=100"}}}
{{/showInline}}
{{/each}}
{{/hasElements}}