Скопје, 15.05.2000 година

Соопштение на НБРМ

ОСНОВАНА ШТЕДИЛНИЦАТА МОЖНОСТИ ДОО СКОПЈЕ

Согласно член 17-б од Законот за банки и штедилници (Службен весник на Република Македонија бр. 31/93, 78/93, 17/96, 37/98 и 25/2000), Народна банка на Република Македонија ја известува јавноста за следното:

Со Решение на гувернерот на Народна банка на Република Македонија од 11.05.2000 година, издадена е дозвола за основање на Штедилница МОЖНОСТИ ДОО Скопје, чиј основач е Хуманитарното здружение Можности од Скопје. Седиштето на Штедилницата ќе се наоѓа на ул. Народен фронт бр. 19/1, во Скопје.

Штедилницата ќе може да ги врши следните работи:

-да прибира денарски штедни влогови од физички лица најмногу до износ кој е за два   пати поголем од нејзиниот основачки капитал;

-да одобрува кредити на физички лица и поединци кои вршат самостојна дејност без својство на правно лице;

-да зема кредити од банки и штедилници;

-економско-финансиски консалтинг;

-да пласира средства кај правни лица, без посредство на банка, најмногу во висина од 1,5 пати од износот на гарантниот капитал и неограничено во државни хартии од вредност, на пазар на пари и краткорочни хартии од вредност и кај правни лица преку банка со обезбедување на банкарска гаранција;

- да купува и продава краткорочни хартии од вредност и

- други работи утврдени со закон.

Кабинет на гувернерот