Скопје, 14.06.2001 година

Соопштение на НБРМ

Вчера, 13.06.2001 година, Банката за меѓународни порамнувања (БИС) од Базел ја извести Народна банка на Република Македонија дека средствата (акции, злато и девизи), што и припаднаа на НБРМ со усвојувањето на Резолуцијата на Вонредното Собрание на БИС одржано на 11.06.2001, во Базел, со кои беше извршена конечна поделба на активата на Народната банка на поранешната СФРЈ во БИС, се префрлени на сметките на НБРМ.

Според известувањето од Банката за меѓународни порамнувања, на Народна банка на Република Македонија и припаднаа следните средства:

 ·         430 акции или околу 2,73 милиони САД долари номинално;

·         Злато со вкупна тежина од околу 2,49 тони или околу 21,75 милиони САД долари и

·         Девизи со вкупна вредност од околу 1,48 милиони САД долари.

Според тоа, со дефинитивно извршената поделба на активата на Народна банка на поранешната СФРЈ во БИС, Народна банка на Република Македонија се здоби со вкупно околу 26 милиони САД долари. Овие средства ќе влезат како составен дел во девизните резерви на Народна банка на Република Македонија.

Кабинет на гувернерот