Скопје, 13.06.2000 година

Соопштение на НБРМ

ПОСЕТАТА НА Г-ДИН ШИГЕМИТСУ СУГИСАКИ, ЗАМЕНИК ГЕНЕРАЛЕН ДИРЕКТОР НА МЕЃУНАРОДНИОТ МОНЕТАРЕН ФОНД НА РЕПУБЛИКА МАКЕДОНИЈА

На покана на гувернерот на Народна банка на Република Македонија, г-дин Љубе Трпески од утре во дводневна посета на Република Македонија ќе претстојува г-дин Шигемитсу Сугисаки, заменик генерален директор на Меѓународниот Монетарен Фонд.

За време на неговата посета на Република Македонија, г-дин Сугисаки ќе оствари средби со претседателот на Република Македонија, г-дин Борис Трајковски, со претседателот на Владата на Република Македонија, г-дин Љубчо Георгиевски, со министерот за финансии, г-дин Никола Груевски и со другите економски министри во Владата на Република Македонија, Воедно, г-дин Сугисаки ќе оствари средби со претставниците на меѓународните финансиски институции во Република Македонија со амбасадорите, чии земји се главни донатори на Републиак Макеоднија, како и со претставници на невладини институции.

На средбите помеѓу г-дин Сугисаки и официјалните претставници на Република Македонија ќе се дискутира за односите помеѓу Република Македонија и Меѓународниот Монетарен Фонд во светло на претстојната јулска мисија на преговори за склучување на финансиски аранжмани со ММФ.

Инаку, во биографијата на г-дин Сугисаки е забележано дека извршува високи должности во Министерството за финансии на Јапонија, во август 1994 година е назначен за специјален советник на генералниот директор на Меѓународниот Монетарен Фонд. Г-дин Шигемитсу Сугисаки е назначен за заменик генерален директор на ММФ на 03 февруари 1997 година.

Ве покануваме со вашите камери да го регистрирате пристигнувањето на г-дин Сугисаки на аеродромот Петровец на 14.06.2000 година, во 12:10 часот во ВИП салонот.

Кабинет на гувернерот