Народна банка на Република Македонија

Покана

На 13 март 2014 година во просториите на НБРМ, на 8. кат, со почеток во 14 часот, ќе се одржи 12. сесија на Клубот на истражувачите, на којашто ќе бидат презентирани два истражувачки материјала:

1. „Grooming Classifications: Exchange Rate Regimes and Growth in Transition Economies“, од Марјан Петрески; и
2. „Growth Forecast Errors and Government Investment and Consumption Multipliers“, од Бранимир Јовановиќ;

Се надеваме дека ќе побудиме интерес кај Вас и кај Вашите колеги за учество на Клубот на истражувачите. Ве молиме Вашето присуство на оваа сесија на Клубот на истражувачите да го потврдите најдоцна до 10 март 2014 година на тел. +389 2 3298110; електронска пошта: [email protected]

Клубот на истражувачите е формиран во јули 2011 година, во рамки на активностите за поддршка на развојот на истражувачката и аналитичката работа. Овој клуб е отворена платформа за презентација и дискусија на научно-истражувачки трудови, особено во доменот на монетарната политика и макроекономијата. Согласно со досегашната практика, сесиите на Клубот се одржуваат на тримесечна основа, во март, јуни, септември и во декември. Народната банка има отворен повик до истражувачите за поднесување  сопствен труд до Клубот, вклучително и на оние што се во работна верзија. 

Заради понатамошно промовирање на Клубот на истражувачите и проширување на составот на учесниците, објавуваме покана до сите аналитичари и истражувачи од научно-образовните институции, финансискиот и нефинансискиот сектор, за редовно учество на неговите следни сесии, како дискутанти или како слушатели. На овој начин се овозможува квалитетна и отворена дискусија меѓу истражувачите, носителите на политиките, аналитичарите од финансиските институции и другите учесници. Исто така, преку размената на мислења се обезбедува унапредување на научно-истражувачката работа во земјата. Зачленувањето во клубот е од отворен карактер, за што подетаљни информации можете да видите на следнава врска: www.nbrm.mk/Клуб на истражувачи.