Автори: Гани Рамадани; Никола Наумовски

Начинот на формирање на платите и цените во Македонија: наоди од анкетно истражување

достапно само на англиски јазик

Во материјалот се прикажани резултатите од анкетното истражување за начинот на формирање на платите и цените во Република Македонија, аналогно на спроведеното истражување од Европската централна банка за земјите на ЕУ во рамки на „Wage Dynamics Network (WDN)“. Анкетата е спроведена во првата половина на 2014 година на репрезентативен примерок и опфаќа фирми со различни големини од преработувачката индустрија, градежништвото, трговијата и од услужниот сектор. Резултатите од анкетата покажуваат дека: платите остануваат непроменети подолго од цените, најзначаен фактор за прилагодување на платите е работниот стаж, постои ниска автоматска индексација на платите, релативно високата надолна ригидност на номиналната плата главно се однесува на вработените на неопределно време, постои слаба врска помеѓу цените и платите, во случај на негативен шок фирмите главно ги прилагодуваат трошоците и цените. Овие заклучоци се значајни за носителите на макроекономските политики.     

Ставовите изложени во авторските материјали се на авторите и не мора да соодветствуваат со ставовите на НБРМ. Ве молиме, при користењето на материјалите соодветно да се цитира изворот/авторите на трудот.