http-equiv="Content-Type" content="text/html; charset=utf-8">

Улогата на НБРМ во Платниот систем во Република Македонија
Оперативна функција
Македонски Интербанкарски Платен Систем - МИПС  

Технички карактеристики на МИПС

МИПС е изграден врз современа информатичка технологија. Опремата која се користи е производство на компанијата Hewlett Packard на принципот клуч на рака. Опремата се состои од хардверска опрема, системски софтвер и апликативни решенија. Целокупната опрeма е набавена со заеднички вложувања од ЕУ преку ФАРЕ програмата и Народна Банка на Република Македонија.

Хардверската опрема е производство на Hewlett Packard i Cisco. Компјутерите кои се користат како терминали за работа во системот се произведени од Hewlett Packard и Compaq. Главниот серверски систем се состои од два пара на компјутери кои работат независно еден од друг и  се надополнуваат еден на друг во случај било кој дел да откаже. Покрај ова, МИПС има и систем кој работи на оддалечена локација со истата функција како главниот систем.

Се користат оперативните системи Microsoft Windows 2000 Server i Microsoft Windows 2000 Advanced server. За поголема доверливост на системот се користи кластер технологијата која ја подржува Microsoft Windows 2000 Advanced server. МИПС системот поседува два независни складови на дискови и користи Raid 10 технологија за мирорирање на дискови, така што секоја информација ја има на две места паралелно.

За поврзување со учесниците во системот МИПС користи неколку  начина:

-   SWIFT меѓународна мрежа

-   Frame Relay мрежата на Македонски телекомуникации

-   Директна врска преку локална мрежа (LAN)

За начините 2 и 3 постои и резервна можност за приклучување, преку ISDN линија.

Апликативните решенија се изработени од шведската фирма CMA small systems. Покрај серверските компоненти, овие решенија вклучуваат и работни места за: креирање на пораки, верификување на пораки, авторизација на пораки, контрола над работата на системот (и од оддалечена локација), анализа на примени пораки и пребарување на примените и пратените пораки.

За заштита и авторизација на пораките кои се пренесуваат преку горенаведените мрежи се користи PKI технологија.