Статистика на каматните стапки
Пондерирани каматни стапки на банките и штедилниците, вкупни и новодоговорени и активни и пасивни каматни стапки на НБРСМ
Статистиката на каматните стапки опфаќа податоци за пондерираните каматни стапки на банките и штедилниците за вкупните кредити и депозити, новодоговорените кредити и депозити, новоодобрените кредити со обезбедување, новоодобрените долгорочни кредити, како и прекуноќните депозити, револвинг кредитите, негативните салда на тековни сметки и кредитите врз основа на кредитни картички. Исто така, се објавуваат и временски серии за вкупните кредити и депозити, како и за новодоговорените кредити и депозити.
Пондерираните каматни стапки кои се однесуваат на вкупните кредити и депозити, се поделени според следниве критериуми: секторска класификација, намена на кредитите на домаќинствата, оригинална рочност на достасување и валута.
Пондерираните каматни стапки коишто се однесуваат на новодоговорените активности за дадените кредити и за примените депозити, се поделени според следниве критериуми: секторска класификација, намена на кредитите на домаќинствата, висина на дадените кредити на нефинансиските институции, иницијален период на фиксирање на каматната стапка кај кредитите, оригинална рочност на достасување кај депозитите и валута. Новодоговорените активности ги опфаќаат сите нови договори склучени во објавениот месец.
Најнови остварувања:
Во ноември, просечната каматна стапка на вкупните кредити изнесува 5,00%, што претставува месечно намалување од 0,05 п.п. Просечната каматна стапка на вкупните депозити е непроменета во споредба со претходниот месец и изнесува 1,28%.
Просечната каматна стапка на новоодобрените кредити изнесува 4,28% и во ноември забележа месечен раст од 0,02 п.п. Кај просечната каматна стапка на новопримените депозити е остварен месечен раст од 0,07 п.п. и таа изнесува 1,26%. Прочитај повеќе...
За подетални информации во врска со објавените статистички податоци, контактирајте нѐ на
[email protected] или на телефон 02 3215 181 локал 116 (или 110/108)